Welcome back

រមណីយដ្ឋានទឹកធ្លាក់ឆាយយោង ស្ថិតនៅក្នុងខេត្តកោះកុង បានក្លាយជាគោលដៅទេសចរណ៍បែបផ្សងព្រេង ដ៏គួរឱ្យទាក់ទាញ សម្រាប់ភ្ញៀវទេសចរជាតិនិងអន្តរជាតិ ។តំបន់ទេសចរណ៍ឆាយយោងនេះ គឺហ៊ុំព័ទ្ធទៅដោយធម្មជាតិបៃតង និងមានជួរភ្នំ ជ្រលងដងអូរជាច្រើន ពិសេសសម្បូរទៅ ដោយសត្វព្រៃជីវចម្រុះគ្រប់ប្រភេទ ដែលបានផ្តល់ភាពទាក់ទាញបែបធម្មជាតិ ធ្វើឱ្យភ្ញៀវទេសចរមកលេងកម្សាន្ត ជាហូរហែ មិនចេះដាច់។ កន្លែងនេះក៏មានទឹកធ្លាក់ពីលើភ្នំ មានកម្ពស់រហូតជាង៤៥ម៉ែត្រ ដែលមិនចេះរីងស្ងួត មិនថារដូវប្រាំង ឬ រដូវវស្សា ផ្ទៃទឹកខៀវស្រងាត់ អំណោយផលដល់ការងូតទឹកលេងកម្សាន្តផងដែរ។ រមណីយដ្ឋានទឹកធ្លាក់ឆាយយោង ស្ថិតនៅក្នុងភូមិប្រឡាយ ឃុំប្រឡាយ ស្រុកថ្មបាំង ខេត្តកោះកុង ដែលមានចម្ងាយផ្លូវពីសហគមន៍អារ៉ែងជាង២០គីឡូម៉ែត្រ។ ដើម្បីធ្វើដំណើរទៅកាន់រមណីយដ្ឋានទឹកធ្លាក់ឆាយយោង ភ្ញៀវទេសចរត្រូវធ្វើដំណើរដោយថ្មើរជើងឆ្លងកាត់ព្រៃភ្នំ និង ចំណាយពេលជាង៧ម៉ោងទើបទៅដល់៕ ថ្វីត្បិតតែការធ្វើបន្តិចមេនតែពេលទៅដល់លោកអ្នកនិងទទួលបាននូវភាពស្រស់ស្រាយ ដោយហេតុគ្រាន់តែឃើញ​ទឹកធ្លាក់ និងទេសភាពស្រស់ស្អាតបែប​ធ្វើអោយបាត់នូវភាពនឿតហត់ ក៏ដូចជារំសាយអស់ទុក្ខកង្វល់ជាពុំខាន។

ផ្សារលើគឺជាផ្សារ​មួយដែរល្បីប្រចាំខេត្តព្រះសីហនុតាំងពីជំនាន់ដើមមក។​ ផ្សារនេះស្ថិតនៅជិតរង្វង់មូលតោ២ដែលមានប្រជាជនរស់នៅច្រើនជាងគេដែលវាមានភាពងាយស្រួលក្នុងការធ្វើដំណើរមកកាន់ផ្សារនេះ។ ​ជាទូទៅភ្ញៀវជាតិនិងអន្តរជាតិមិនដែររំលងជាមួយនិងផ្សារឃ្លាំងលើដើម្បីទិញម្ហូបអារហារនិងសម្លៀកបំពាក់ប្រើប្រាស់ជាពិសេសនោះម្ហូបអាហារដែលភ្ញៀវទៅផ្សារឃ្លាំងលើដែលមិនដែលអខាននោះគឺគ្រឿងសមុទ្រស្រស់ៗល្អៗទើបតែនិងយកចេញពីទូកថ្មីៗពីបងប្អូនជាអ្នកនេសាទ។​ មិនត្រឺមតែគ្រឿងសមុទ្រនោះទេ​​ចំពោះគ្រឿងប្រើប្រាស់វិញគឺកាន់តែសំបូរបែបពេញនិមយម និងភេសជ្ជៈផ្សេងៗជាច្រើន។លោកអ្នកបានទៅដល់ខេត្តព្រះសីហនុគួរតែឈៀងចូលទៅផ្សារឃ្លាំងលើដើម្បីសាកដើរកំសាន្តនិងអាចទិញម្ហូបអារហារនៅទីនោះ។​  

​ ប្រាសាទសំបូរព្រៃគុក គឺជារមណីយដ្ឋានទេសចរណ៍វប្បធម៌ ស្ថិតនៅភាគខាងជើង មានចម្ងាយ៣០គ.ម ពីទីរួមខេត្ត ដោយធ្វើដំណើរតាមផ្លូវជាតិលេខ៦២ ប្រមាណ១៦គ.ម បត់ស្តាំបន្តដំណើរតាមផ្លូវ២១៩ ប្រមាណ ១៤គ.ម ទើបមកដល់ប្រាសាទសំបូរព្រៃគុក។ មណីយដ្ឋាននេះ គឺជាអតីតរាជធានីបុរាណ ដែលមានឈ្មោះថាឦសានបុរៈ ហើយជា មជ្ឈមណ្ឌលសម្រាប់គោរពចំពោះព្រះសិវៈនៃព្រហ្មញ្ញសាសនា ។បើផ្អែកទៅលើឯកសារជាកំណត់ហេតុចិនបានបញ្ជាក់ចក្រភពចេនឡា ត្រូវបានបង្កើត ឡើងក្នុងរជ្ជកាលនៃការគ្រប់គ្រង ដោយក្សត្របីអង្គគឺ ព្រះបាទភវវរ្ម័នទី១ (គ.ស៥៩៨) ព្រះបាទមហេន្រ្ទវរ្ម័ន(គ.ស៦០០) និងព្រះបាទឦសានវរ្ម័នទី១(គ.ស៦១៦-៦៣៤)។ ដោយ សារស្នាព្រះភ័ក្ត្រព្រះបាទឦសានវរ្ម័នទី១ នេះហើយដែលទ្រង់បាន រៀបចំសាងរាជធានី នៅតំបន់សំបូរព្រៃគុក (ឦសានបុរី) ទម្រង់នៃសិល្បៈ និងស្ថាបត្យកម្មទាំងអស់នេះ ដែលអ្នកប្រាជ្ញផ្នែកប្រវត្តិសិល្បៈ និងស្ថាបត្យកម្មបានកំណត់ជារចនាបថសំបូរព្រៃគុក។ប្រាសាទសំបូរព្រៃគុកច្រើនកសាងឡើងដោយព្រះបាទឦសានវរ្ម័ន ដើម្បីឧទ្ទិស ចំពោះព្រះសិវៈ ប្រាសាទសំបូរព្រៃគុកសង់មានលក្ខណៈជាប្រាសាទទោល និង ប្រាសាទសង់ជាក្រុមក្នុងកំពែងតែមួយ។ប្រាសាទនេះសាងសង់អំពីឥដ្ឋកំបោរបាយអ ថ្មភក់ ឯប្លង់ប្រាសាទមានរាងបួនជ្រុង គ្រឿងលម្អស្ថាបត្យកម្ម មានផ្តែរ និងសសរពេជ្រ សុទ្ធសឹងធ្វើអំពីថ្មភក់ និងមានចម្លាក់លើកំបោរបាយអ ។ សព្វថ្ងៃនេះតួប៉មជាច្រើនបាន បាក់បែកទ្រុឌទ្រោមណាស់ទៅហើយ ដោយសារកត្តាធម្មជាតិ និងមនុស្ស ។រហូតមកដល់ពេលនេះ គេសិក្សាស្រាវជ្រាវរកឃើញប្រាសាទចំនួន២៥៧ ដែលកប់នៅ ក្នុងព ១. តំបន់ប្រាសាទសំបូរព្រៃគុកត្រូវបានចុះបញ្ជីជាបេតិកភណ្ឌពិភពលោក នៅ ថ្ងៃទី០៨ ខែកក្កដា ឆ្នាំ២០១៧ ។ ប្រាសាទសំបូរព្រៃគុរៈអ្នកប្រាជ្ញជំនាន់មុនបានកំណត់បែងចែកក្រុមប្រាសាទ ទាំងនោះជាបីក្រុមធំៗខុសគ្នា និងមានក្រុមតូចៗជាច្រើនទៀតដូចជា :១. ក្រុមប្រាសាទខាងជើង ហៅថាប្រាសាទសំបូរ ២. ក្រុមប្រាសាទកណ្តាល ហៅថាប្រាសាទតោ ៣. ក្រុមប្រាសាទខាងត្បូង ហៅថានាគព័ន្ធ ឬយាយព័ន្ធ ក្រុមប្រាសាទតូចៗមានៈប្រាសាទក្រោលរមាស ប្រាសាទសណ្ដាន់ អាស្រមឥសីបុសរាម និងប្រាសាទជ្រៃ ។ Sambor Prei Kuk is a cultural site located in Sambor village, Sambor commune, Prasat Sambor district, about 30 kilometers northeast of the provincial town on national road 62 about 16km turn right on the road 219 about 14km to the Sambor Prei Kuk site. The site was once an ancient capital named Isanapura and a religious center for the worship of Shiva Brahmanism. According to a Chinese note the Chenla empire was founded in the 3 king's governments: Phavarman I (598 A.D), Mahendravarman (600 A.D), and Isanavarman I (616-635 A.D). During the reign of king Isanavarman, I founded the ancient capital in the Sambor Prei Kuk area. Every form of art and architecture that the scholars of historical art and architecture classified to Sambor Prei kuk style. Many temples were built in Sambor Prei kuk during the reign of King Isanavarman I (616-635 A.D) in the 7th century. The temples of Sambor Prei kuk are constructed of solid brick, late rite, and sandstone and decorated with bas-reliefs. The lintel, pillars, and door frames are all made of sandstone. Today the majority of sanctuaries were collapsed by nature and humans. So far, 257 temples have been discovered in the forest. The Sambor Prei Kuk site was inscribed to the world heritage list on 08 July 2017. Sambor Prei kuk is divided into three main groups and various small temple groups: Prasat Sambor (North Group) Prasat Tor (Central Group)Prasat Yeay Poun (South Group) Small temple groups: Prasat Kroul Romes, Sandan temple, Asrom Eisey temple, Bosream temple, and Chhrey temple.   Credit By Kampong Thom Tourist Groide           

សារមន្ទីរជាតិនៅទីក្រុងភ្នំពេញជាសារមន្ទីរធំជាងគេនៅប្រទេសកម្ពុជាដែលជាទីតាំងប្រមូលផ្ដុំសម្បត្តិវប្បធម៌​និងប្រវត្តិសាស្ត្រ​ដ៏សំខាន់។សារមន្ទីរជាតិមានរក្សាទុក​រូបសំណាកនិង​ភស្ដុតាងប្រវត្តិសាស្ត្រ​កម្ពុជាច្រើនតាំងពីសម័យបុរេប្រវត្តិ​សម័យអង្គរនិងសម័យក្រោយៗមកទៀត។សារមន្ទីរជាតិនៃកម្ពុជាត្រូវបានកសាងឡើងនៅឆ្នាំ១៩១៧-១៩២០ជាប់នឹងផ្នែកខាងជើងនៃព្រះបរមរាជវាំងក្នុងរាជធានីភ្នំពេញ។អាគារទាំងមូលមានដំបូលស្រួចនិងទ្វារឆ្លាក់ផ្កាភ្ញីរចនាបទស្ថាបត្យកម្មតាមលំនាំប្រាសាទបុរាណខ្មែរនិងលាយបញ្ចូលស្ថាបត្យកម្មប្រពៃណីខ្មែរនិងរចនាបទអាណានិគមបារាំង។នៅកណ្តាលដើមឈើនិងផ្កាដែលព័ទ្ធជុំវិញដោយស្រះផ្កាឈូកប្រៀបដូចជាព្រះបរមរាជវាំងតូចមួយដ៏ស្រស់ស្អាត។សព្វថ្ងៃសារមន្ទីកម្ពុជាបើកដំណើរការដើម្បីទទួលភ្ញៀវទេសចរទាំងភ្ញៀវជាតិនិងអន្តរជាតិចូលមកទស្សនាជារៀងរាល់ថ្ងៃ(ចាប់ពីម៉ោង៩ព្រឹកដល់ម៉ោង៥ល្ងាច)។ការដាក់តាំងវត្ថុបុរាណ្យទាំងនេះគឺដើម្បីទាក់ទាញភ្ញៀវទេសចរមកសិក្សាស្រាវជ្រាវរៀនសូត្រអំពីរវប្បធម៌ខ្មែរពីសម័យបុរាណកាលមកជាពិសេសសម្រាប់សិស្សនិស្សិតដែររៀនអំពីរមុខជំនាញនេះផ្ទាល់។ សារមនី្ទរជាតិ សិ្ថតនៅក្នុងមណ្ឌលតែមួយរបស់ សាកលវិទ្យាល័យភូមិន្ទវិចិត្រសិល្បៈ ខាងត្បូង (សង់ក្នុងឆ្នាំ១៩១៧)។              

ប្រាសាទជ្រុង ជាប្រាសាទតូចមួយដែលស្ថិតក្នុងបរិវេណកំពែងខាងក្រៅនៃ ប្រាសាទបាយ័ន នៅត្រង់កន្លែងកាច់ជ្រុងនៃទន្លេអុំ ដែរមានចម្ងាយប្រហែល ១៥គីឡូម៉ែត្រពីទីរួមខេត្តសៀមរាប។ ប្រាសាទនេះបានសាងសង់ឡើងនៅចុងសតវត្សទី១២ និងដើមសតវត្សទី១៣  ដែលជាស្នាព្រះហស្ត របស់ព្រះមហាវីរក្សត្រព្រះបាទជ័យវរ្ម័នទី៧ ដើម្បីឧទ្ទិសថ្វាយ ព្រះពោធិសត្វលោកេស្វរៈ ។ប្រាសាទជ្រុង ជាកន្លែងអាចទស្សនាទេសភាពថ្ងៃលិចដ៏ពិសិដ្ឋនិងគួរឱ្យចាប់អារម្មណ៍។ បើយោងតាមឯកសារដែលស្រាវជ្រាវ និង ចងក្រង បានឱ្យដឹងថា ប្រាសាទជ្រុងគឺជាប្រាសាទតូច ច្រឡឹងល្អប្រណិតមួយ ដែលមានក្បាច់រចនាផ្កាភ្ញីរស់រវើក អមដោយចម្លាក់ អាទិទេពជាច្រើននៅគ្រប់ផ្នែកសំណង់នៃប្រាសាទ។ តួប៉មប្រាសាទនេះបែរមុខ ទៅទិសខាងកើត ខណ្ឌជាបន្ទប់ៗ សាងសង់ឡើងអំពីថ្មភក់ និង ថ្មបាយក្រៀម មានទំហំប្រមាណ ១៥ ម៉ែត្រ គុណ ១០ ម៉ែត្រ មានកម្ពស់ប្រហែល ៥,៧ ម៉ែត្រ ពីលើខ្នងកំពែង សង់នៅលើកំពែងអង្គរធំ ចំត្រង់កែងនៃកំពែងទិសទក្សិណ និង ទិសបស្ចិម។   A small temple called Prasat Chrung can be found within the Bayon Temple's outer walls at the intersection of the Om River, some 15 kilometers from the provincial center of Siem Reap. King Jayavarman VII erected the temple in the late 12th and early 13th centuries to honor the Bodhisattva Lokesvara. The interesting and revered sunset may be viewed from Prasat Chrung. The papers gathered and researched indicate that Prasat Chrung is a tiny, lavish temple with a vivid floral design and several deities throughout the entire temple. The tower faces east toward Khan, a room made of sandstone and laterite that measures roughly 15 by 10 meters and is 5.7 meters high above the back of the wall. Khan was constructed at an angle to the walls of Angkor Thom. South and west walls.        

ប្រាសាទតាកែវ មានទីតាំងស្ថិតនៅក្នុងភូមិរហាល ឃុំនគរធំ ក្រុងសៀមរាប ខេត្តសៀមរាប។ ប្រាសាទតាកែវ គឺជាប្រាសាទបុរាណរបស់ខ្មែរយើង ដែលត្រូវបានកសាង នៅសតវត្សទី១០ ក្នុងរាជព្រះបាទជ័យរវន្ម័ទី៥ ដែលជាព្រះរាជ្យបុត្ររបស់ ព្រះបាទរាជិន្រ្ទវរន្ម័ទី២ សាងសង់ឡើងដើម្បីឧទ្ទិសថ្វាយព្រះឥសូរ ។ ព្រះអង្គក៏ចាប់ផ្តើមកសាងប្រាសាទភ្នំមួយមានរាងជាសាជី ក្នុងឆ្នាំ៩៧៤ ដែលមានអ័ក្ស ពីកើតទៅលិច ៥០០ម៉ែត្រ តាមផ្លូវភ្ជាប់ទៅនឹងបារាយណ៍ យសោធរតាដាក ខាងកើត។ ព្រះអង្គបានដាក់ឈ្មោះប្រាសាទនោះថា ហេមគីរី ដែលមានន័យថាភ្នំមាស ដោយយោងតាមសិលាចារឹក។ ប្រាសាទនេះ មានកសិណ្សទឹកប្រវែង ២៥៥ គុណ ១៩៥ម៉ែត្រ គោបុរៈទី១ ១២២គុណ ១០៦ម៉ែត្រ គោបុរៈទី២ កំពស់ ៥.៥ម៉ែត្រ ប្រវែង ៨០គុណ ៧៥ម៉ែត្រ បណ្ណាល័យ ២ សាលចម្លាក់វែង២ ខ្លី២ រាងប្រាសាទគឺ៥ថ្នាក់ មានកំពស់ប្រហែល៤៥ម៉ែត្រពីដី ជាន់ខាងលើបង្អស់មាន៥ប្រាង្គ ក្នុងនោះ៤ប្រាង្គ ដែលសង់លើផ្ទៃរាបស្ថិតតាមជ្រុងនីមួយមានកំពស់ ៨ម៉ែត្រ ហើយប្រាង្គកណ្តាល មានកំពស់១២ម៉ែត្រ ដែលតំកល់សិវៈលឹង្គ។ Rohal Village, Nokor Thom Commune, Siem Reap City, Siem Reap Province, is home to Takeo Temple. An old Khmer temple named Takeo was constructed in the tenth century under the rule of King Jayavarman V, the son of King Rajinvarman II, and dedicated to Iso. In 974, he also started construction on a cone-shaped mountain temple with an axis running from east to west, 500 meters along the road leading to the Yasodharatak baray east. According to the inscription, he gave the temple the name Hemkiri, which is Sanskrit for "Golden Mountain". The temple contains a water farm that is 255 by 195 meters long, a first gopura that is 122 by 106 meters long, a second gopura that is 5.5 meters high and 80 by 75 meters long, two libraries, two long statues, and two short sculptures. It has five levels and is roughly 45 meters high. There are 5 towers visible from the bottom level, 4 of which are built on the flat terrain at each corner and are each 8 meters high, while the central tower, which holds Shiva Ling, is 12 meters high.    

ប្រាសាទតាណី ជាប្រាសាទមួយ ដែលមានចំងាយប្រមាណជា ២៧គីឡូម៉ែត្រ ពីទីរួមខេត្តសៀមរាប  និងមានចម្ងាយប្រវែង ១៥០ម៉ែត្រពីខាងលិចបារាយណ៍ខាងកើត។  ប្រាសាទនេះត្រូវបានកសាងឡើងនៅចុងសតវត្សទី១២ក្នុងរាជ្យព្រះបាទជ័យវរ្ម័នទី៧ ដើម្បីឧទ្ទិសថ្វាយដល់ព្រះពុទ្ធសាសនាមហាយាន ប្រាសាទតាណី មានកំពែងព័ន្ធជុំវិញនៅផ្នែកខាងក្រៅ សព្វថ្ងៃយើងឃើញមានតែខ្លោងទ្វារ ឬគោបុរៈចំនួនពីរនៅសល់ស្ថិតនៅទិសខាងកើតនិងទិសខាងលិច ហើយមានស្លាកស្នាមកសិន្ធុនៅទិសខាងជើងនិងទិសខាងត្បូង។ នៅផ្នែកខាងកើតមានផ្លូវតភ្ជាប់ក្រាលដោយថ្មភក់ចាប់ពីខ្លោងទ្វារនៃកំពែងទី១ទៅកំពែងទី២ត្រូវបានសងដោយថ្មបាយក្រៀមដែលមានសភាពទ្រុឌទ្រោម និងបាក់រលំស្ទើទាំងស្រុងលើកលែងតែទិសខាងកើតឆៀងខាងត្បូង និងទិសខាងលិចឆៀងខាងជើងដែលនៅមានជញ្ជាំងមួយផ្ធាំងបញ្ឈរហើយមានផ្ទាំងចម្លាក់ហោជាងទំនងជារឿងពុទ្ធប្រវត្តិដែលនៅក្នុងរូបកណ្តាលត្រូវបានដាប់បំផ្លាញហើយនៅសង់ខាងរូបនោះគឺជាព្រះវិស្ណុ និងព្រះព្រហ្ម រីឯនៅខាងក្រោមរូបទាំងនោះមានសេះមួយនៅចន្លោះអ្នកគោរពបូជាទាំងឡាយ ។    

ប្រាសាទព្រហ្មកិល គឺជាប្រាសាទតូចមួយស្ថិតនៅក្បែរប្រាសាទអង្គរវត្ត មានចម្ងាយ ប្រមាណ ៣០០ម៉ែត្រ ខាងលិចខ្លោងទ្វារ ប្រាសាទអង្គរវត្ត។ ប្រាសាទព្រហ្មកិល ត្រូវបានសាងឡើងពីថ្មភក់ដើម្បីឧទ្ទិសដល់ព្រះពុទ្ធសាសនា។ប្រាសាទនេះជាប្រាសាទមួយដែលមានរាងតូចច្រឡឹង ហើយមានចម្ងាយពីផ្លូវមុខ អង្គរប្រហែលជា ៥០ ម៉ែត្រប៉ុណ្ណោះ។ ប្រាសាទព្រហ្មកិលមានរូបចម្លាក់មនុស្ស និង ក្បាច់ឆ្លាក់នៅផ្ទាំងថ្មប្រាសាទគួរជាទីចាប់ចិត្ត។ប្រាសាទតាព្រហ្មកិលសាងនៅចុងសតវត្សរ៍ទី១២ ដោយស្នាមព្រះហស្ត ព្រះបាទជ័យវរ្ម័នទី៧ បច្ឆមរណៈព្រះនាមមហាបរមសំគតតបតៈ ដើម្បីឧទ្ទិសចំពោះព្រះពុទ្ធសាសនា។បើយោងតាមអ្នកស្រាវជ្រាវ ប្រាសាទនេះជាសាលាសំណាក់ឬមន្ទីរពេទ្យរបស់ព្រះបាទជ័យវរ្ម័នទី៧ ក្នុងរជ្ជកាលរបស់ទ្រង់។ប្រាសាទនេះបែរមុខទៅទិសខាងកើត ដែលមានទ្វារបញ្ឆោតបី និងមានជើងទម្រមួយ ដែលមានក្បាច់រចនា និងសោមសូត្របង្ហូរទឹកមន្តមួយនៅប្រហោងប្រាសាទនៅទិសខាងជើង។ សព្វថ្ងៃថ្វីត្បិតតែមានទំហំតូច និងទ្រុឌទ្រោមអស់ក៏ដោយប៉ុន្តែអ្វីដែលនៅសេសសល់ រូបចម្លាក់មនុស្សទេពអសុរ ព្រះពុទ្ធសម្មាធិ ទេពអប្សរ អវលោកកេស្វរ និង ក្បាច់ឆ្លាក់នៅផ្ទាំងថ្មប្រាសាទស្រស់ស្អាត  គួរជាទីចាប់ចិត្ត និងគួរឱ្យកោតសរសើរពីស្នាដៃបុព្វបុរសខ្មែរ។        

ប្រាសាទធម្មនន្ទ មានទីតាំងស្ថិតនៅតាមវង់តូចដោយចេញពីរាជធានីអង្គរធំ តាមទ្វាជ័យចំងាយប្រហែល ៥០០ម៉ែត្រនៅខាងជើងផ្លូវ ដែរមានចម្ងាយប្រមាណ ២៧គីឡូម៉ែត្រ ពីទីរួមខេត្តសៀមរាប ។ ប្រាសាទធម្មនន្ទ នៅក្បែរប្រាសាទចៅសាយទេវតាប្រាសាទនេះស្ថាបនាឡើងនៅចុងសតវត្សទី១១ និង ដើមសតវត្សទី១២ ដោយព្រះបាទសូរ្យវរ្ម័នទី២ ដែរសាងសង់ឡើងដើម្បីឧទ្ទិសថ្វាយដល់ព្រហ្មញ្ញសាសនា។ ប្រាសាទនេះមានចតុកោណ មានប្រាង្គបែរមុខទៅទិសខាងកើត និង មានគូទឹក និង កំពែងមានគោបុរៈពីរនៅខាងកើតនិងខាងលិច ព្រមទាំងមានបណ្ណាល័យមួយនៅទិសអាគ្នេយ៍។ ប្រាសាទធម្មនន្ទ ក៏ជារមណីយដ្ឋានទេសចរណ៍បែបវប្បធម៌ប្រវត្តិសាស្រ្តដែរសព្វថ្ងែមាន សក្តានុពលទេសចរណ៍សំខាន់ៗយ៉ាងច្រើន ដូចជាប្រវត្តិនៃការសាងសង់ប្រាសាទ ចម្លាក់ក្បូក្បាច់ ទីតាំង រចនាបទ  និង ប្រវត្តិសាស្រ្ត។ នៅទីនេះ ភ្ញៀវទេសចរអាចមកលំហែកម្យាន្ត មើលប្រាសាទ រចនាបទ ព្រៃព្រឹក្សា។    

ប្រាសាទអូរថ្មដាប់ មានទីតាំងស្ថិតនៅលើភ្នំគូលែន ក្នុងភូមិបឹងមាលា ឃុំបឹងមាលា ស្រុកស្វាយលើ ដែលមានចំងាយប្រមាណជា ៧០គីឡូម៉ែត្រ ពីទីរួមខេត្តសៀមរាប។ ប្រាសាទអូរថ្មដាប់ នៃអតីតរាជធានី មហិន្រ្ទបព៌តភ្នំគូលែន ឬ មហិន្រ្ទបព៌តជាឈ្មោះដែលប្រសិទ្ធិនាមដោយ ព្រះបាទជ័យវរ្ម័នទី២ នៅពេល ដែលព្រះអង្គឡើងទៅលើភ្នំគូលែននិងបន្ទាប់ពីព្រះអង្គធ្វើការបង្រួបបង្រួមនិងស្ដារ ប្រទេសជាតិអោយ មានឯកភាពឡើងវិញ។ ប្រាសាទអូរថ្មដាប់ សាងសងឡើងដោយព្រះបាទជ័យវរ្ម័នទី២ នៅសតវត្សទី៩។ ដែរសព្វថ្ងៃក៏ជារមណីយដ្ឋានទេសចរណ៍បែបវប្បធម៌ប្រវត្តិសាស្រ្តដែរមាន សក្តានុពលទេសចរណ៍សំខាន់ៗយ៉ាងច្រើន ដូចជាប្រវត្តិនៃការសាងសង់ប្រាសាទ ចម្លាក់ក្បូក្បាច់ ទីតាំង រចនាបទ  និង ប្រវត្តិសាស្រ្ត។ នៅទីនេះ ភ្ញៀវទេសចរអាចមកលំហែកម្យាន្ត មើលប្រាសាទ រចនាបទ ព្រៃព្រឹក្សា។    

ប្រាសាទត្រពាំងផុង មានទីតាំងស្ថិតនៅក្នុងភូមិគោកស្រុក ឃុំបាគង ស្រុកបាគង ដែលមានចំងាយប្រមាណជា ៤៧គីឡូម៉ែត្រ ពីទីរួមខេត្តសៀមរាប។ប្រាសាទត្រពាំងផុង ត្រូវបានសាងសង់ឡើង ដោយព្រះបាទជ័យវរ្ម័នទី៣ ត្រូវជាព្រះរាជបុត្ររបស់ព្រះបាទជ័យវរ្ម័នទី២ (៨០២-៨៥០)ដ៏ខ្លាំងពូកែដែលបានបង្រួមជាតិនៅលើទឹកដីចេនឡាឲ្យមានឯកភាពឡើងវិញ។ ដោយសារប្រទេសខ្មែរ មានសន្តិភាព ដ៏បរិបូរណ៍ចាប់តាំងពីរាជ្យរបស់ព្រះបាទជ័យវរ្ម័នទី២ ដែលបានប្រារព្ធពិធីរាជាអភិសេកលើភ្នំគូលែននៅឆ្នាំ៨០២ មក វិស័យសិល្បៈស្ថាបត្យកម្ម មានការរីកចំរើនយ៉ាងខ្លាំងក្លាបំផុត នៅក្នុងតំបន់រលួសដែលជាវាលទំនាបស្ថិតនៅទិសអាគ្នេយ៍នៃខេត្តសៀមរាប។ សព្វថ្ងៃក៏ជារមណីយដ្ឋានទេសចរណ៍បែបវប្បធម៌ប្រវត្តិសាស្រ្តដែរមាន សក្តានុពលទេសចរណ៍សំខាន់ៗយ៉ាងច្រើន ដូចជាប្រវត្តិនៃការសាងសង់ប្រាសាទ ចម្លាក់ក្បូក្បាច់ ទីតាំង រចនាបទ  និង ប្រវត្តិសាស្រ្ត ។នៅទីនេះ ភ្ញៀវទេសចរអាចមកលំហែកម្សាន្ត មើលប្រាសាទ រចនាបទ ព្រៃព្រឹក្សា។

ប្រាសាទតាសោមមានទីតាំងស្ថិតនៅក្នុងក្នុងបរិវេណឧទ្យានអង្គរដែលមានចំងាយប្រមាណជា២៧គីឡូម៉ែត្រពីទីរួមខេត្តសៀមរាប។ប្រាសាទតាសោមត្រូវបានកសាងក្នុងរជ្ជកាលព្រះបាទជ័យវរ្ម័នទី៧នៅចុងសត វត្សទី១២ក្នុងគោលបំណងធ្វើជាអាគារព្រះពុទ្ធសាសនាមហាយានឧទ្ទិសដល់លោកេស្វរៈសំណង់ប្រាសាទតាសោមត្រូវបានសាងសង់ដោយថ្មភក់និងថ្មបាយក្រៀមមានកំពែងខណ្ឌចែកចំនួន២ជាន់ហើយមានខ្លោងទ្វារចេញចូលចំនួនពីរបែរមុខទៅទិសខាងកើតនិងទិសខាងលិច។ខ្លោងទ្វារនីមួយៗមានលម្អមានមុខបួនធំៗដូចគ្នានិងប្រាសាទបន្ទាយក្តីនិងប្រាសាទតាព្រហ្មដែរ។សព្វថ្ងៃប្រាសាទនេះមានសភាពទ្រុឌទ្រោមយ៉ាងខ្លាំងហើយក៏ត្រូវបានជួសជុលទាំងស្រុងនោះទេប៉ុន្តែគ្រាន់តែធ្វើការអភិរក្សនៅផ្នែកខ្លះនៃប្រាសាទដោយគម្រោងរបស់អង្គការ មូលនិធិសំណង់ប្រាសាទពិភពលោក និងអជ្ញាធរជាតិអប្សរាប៉ុណ្ណោះ ។

The Museum Cafe ជាហាងកាហ្វេដែលស្ថិតនៅក្នុង សារមន្ទីកម្ពុជាហើយក៏ជាហាងកាហ្វេមួយដែរមានភាពស្ងប់ស្ងាតនិងសោភ័ណ្ណភាពស្រស់ស្អាតនិងកាហ្វេមានរសជាតិឆ្ងាញ់ ហើយទីនេះស័ក្តសមបំផុតសម្រាប់អ្នកដែរចូលចិត្តការសិក្សារៀនសូត្រព្រោះនៅទីនេះមានភាពស្ងប់ស្ងាត់ដែរធ្វើអោយងាយស្រួលក្នុងការផ្ដោតអារម្មណ៍ ។      

អន្លង់​ភ្ញៀវ​ ជា​ឈ្មោះ​រមណីយដ្ឋាន​បែប​ធម្មជាតិ​ និងកែ​ច្នៃ​មួយ​ ដែល​កំពុង​ទាក់​ទាញ​ភ្ញៀវ​ទេសច​ជាតិ បើ​ទោះ​​ជា​ទើប​តែ​បើក​ដំណើរការ​ថ្មីៗ​ក៏​ដោយ។ ក្នុង​រមណីយដ្ឋាន​នេះ​មាន​សួន​កម្សាន្ត​ និង​ចម្ការ​ដំណាំ​ជា​ច្រើន​ប្រភេទ​​ នៅ​តាម​ជើង​ភ្នំ​ និង​ចង្កេះ​ភ្នំ​  និង​​មាន​គម្រោង​សាង​សង់​កន្លែង​កម្សាន្ត​ កន្លែង​ងូត​ទឹក​ជា​ច្រើន​ផ្សេង​ទៀត​ផង​ដែរ។រមណី​យដ្ឋាន​ថ្មី​នេះ​ មាន​ទេសភាព​អម​ដោយ​ជួរ​ភ្នំ​ព័ទ្ធ​ជុំវិញ​។ អន្លង់​ភ្ញៀវ ឬ​កំពូល​ពេជ្រ​ ស្ថិត​នៅ​ក្នុង​ភូមិ​ស្រែ​ជើង​រាស្ត្រ​ ឃុំ​ត្រពាំង​ក្រញូង​ ស្រុក​ត្រាំកក់​ ខេត្ត​តាកែវ។ រួមទាំងមានBackground ថតរូបស្អាតៗ  ហើយទេសភាពនៅទីនោះស្អាតបែបមួយដែលថ្មី សម្រាប់ចក្ខុភ្ញៀវទេសចរ​ ដែលបានចងចិត្តភ្ញៀវទេសចរចង់ទៅម្ដងហើយចងទៅម្ដងទៀត។ អ្វីដែលពិសេសទៅទៀតនោះក្រៅពីមានទេសភាពស្អាតហើយនូវមាន​លក់​អាហារ​ឆ្ងាញ់​ៗ​ដ៏​សម្បូរ​បែប​ ក្នុង​តម្លៃ​សមរម្យ​ទៀត​ផង៕ Anlong Phieu is the name of a natural and creative resort that is attracting national tourists even though it has just opened. Anyway. The resort has amusement parks and plantations of various types at the foot of the mountain and the ridge, and there are plans to build There are many other entertainment places and bathing places as well.The new resort is surrounded by mountains. Anlong Phieu or Kampoul Pich is located in Sre Cheung Reast village, Trapeang Kranh commune, Tram Kak district, Takeo province. Including beautiful background photography and beautiful scenery, there is a new kind for tourists who want to visit again and again. What is special is that in addition to the beautiful scenery, there is also a variety of delicious food at reasonable prices.

សួនស្នេហ៍ជនបទនេះផ្ទុះការចាប់អារម្មណ៍មេនទែនពីសំណាក់ភ្ញៀវទេសចរ មានទីតាំងស្ថិតនៅ ភូមិពង្រសង្កាត់កំពង់ស្វាយក្រុងសិរីសោភ័ណខេត្តបន្ទាយមានជ័យនិងមានចម្ងាយ ប្រហែល~៧គីឡូពីរង្វង់មូលក្រុងសិរីសោភ័ណ។សួនស្នេហ៍ជនបទមួយប្រភេទនេះរំលិចនូវការចាប់អារម្មណ៍មិនណយដែរនិងណា!មកទាំងព្រមនូវ​ទេសភាពពព្រាយនៃសម្រស់សួនផ្កាចម្រុះពណ៌ និងទេសភាពជុំវិញ។បន្ថែមទាំងមានខ្បល់បកមកប៉ះភក្ត្រាយ៉ាងបរិសុទ្ធក្រៅពីនេះមានសេវាកម្មម្ហូបអាហារទាន់ចិត្តព្រមទាំងឩជារសឆ្ងាញ់ពិសារបរិយាកាសនេះល្អបំផុតសម្រាប់អ្នកមាន គម្រោងដើរលេងប្រចាំសប្ដាហ៍តែមិនដឹងទៅណាអាចមកទីនេះបានប្រកបដោយផាសុខភាព។លើសពីនេះទៅទៀតសួន​នេះ​មាន​ផ្ដល់​សេវាកម្ម​ច្រើន​ប្រភេទ​ដល់​ភ្ញៀវទេសចរ​ដូចជាទី កន្លែង​កម្សាន្ត​សម្រាប់​កុមារហើយ​អ្វីដែល​ជាការ​ចាប់អារម្មណ៍​បំផុត​នោះ គឺ​ការផ្ដល់​សេវាកម្ម​ថត Pr-wedding សម្រាប់​គូស្នេហ៍​ទៀតផង។

​ប្រាសាទបន្ទាយឆ្មារ ជាប្រាសាទមួយដែរមានទីតាំងស្ថិតនៅ ភូមិបន្ទាយឆ្មារ ឃុំបន្ទាយឆ្មារ ស្រុកថ្មពួកខេត្តបន្ទាយមានជ័យ ដែរមានចម្ងាយប្រមាណ ៧គីឡូម៉ែត្រពីទីរួមខេត្ត ។ ប្រាសាទ បន្ទាយឆ្មារកសាងចុងសតវត្សរ៍ទី១២និងដើមសតវត្សរ៍ទី១៣ ក្នុង​រជ្ជកាល​ព្រះបាទ​ជ័យ​វរ្ម័នទី​៧ ចន្លោះ​ពី​ឆ្នាំ​១១៨១ ដល់​ឆ្នាំ​១២១៩ ។ កសាងឡើង​ដើម្បី​ឧទ្ទិស​ចំពោះ​ព្រះពុទ្ធសាសនា​មហាយាន និង​ដើម្បី​ឧទ្ទិស​ដល់​វិញ្ញាណក្ខន្ធ​បុត្រា ស្រី​ន្ទ​កុមារនិង​មេទ័ព​ទាំង​បួន ដែលមាន​ងារ​ជា «​អ្នក​ស​ញ្ជ​ត​» របស់​ព្រះអង្គ​ដែល​បាន​ពលី​ជី​វិ​ក្នុង​សមរភូមិ​ចម្បាំង​បង្ហូរឈាម​ជាមួយ​ចាម​នាពេលនោះ​។​សព្វថ្ងៃ​ប្រាសាទ​នេះ​មាន​សភាព​ទ្រុឌទ្រោម​ខ្លះប៉ុន្តែ​នៅតែ​ស្រស់ស្អាត​ជាទី​គយគន់​ដែល​ហ៊ុមព័ទ្ធ​ដោយ​ទេសភាព​ខៀវស្រងាត់​ជាមួយនិង​ដើមឈើ​ធំៗ​។ 

ប្រាសាទបាសែត ជារមណីយដ្ឋានទេសចរណ៍វប្បធម៍មួយដែលសង់លើទីទួលស្ថិតនៅភូមិបាសែតឃុំតាប៉ុនស្រុកសង្កែមានចំងាយ១៤.៣៦គ.មដោយគិតចាប់ពីសាលាខេត្ត។ប្រាសាទនេះកសាង ក្នុងរជ្ជកាលព្រះបាទសូរ្យិវរ្ម័នទី១ ( ១០០២ – ១៥៥០ ) ដែលជាស្ថាបត្យកម្មសតវត្សរ៍ទី១១ កំឡុងឆ្នាំ១០៣៦ – ១០៤២។នៅក្នុងបរិវេណប្រាសាទ មានស្រះបុរាណមួយដែលមានបណ្តោយ ២០ ម៉ែត្រ ទទឹង ១២ ម៉ែត្រ និងជំរៅ ១០ ម៉ែត្រ ដែលមានជណ្តើជុំវិញ ធ្វើអំពីថ្មបាយក្រៀមហើយបានផ្តល់ទឹកខួបប្រាំងខួបវស្សា។នៅទីនេះមានរឿងតំណាលថា៖អ្នកភូមិតែងតែធ្វើការប៉ន់ស្រន់ផ្សងទៅនឹងបំណងផ្សេងៗដែលខ្លួនចង់បាន។ថែមទាំងមានទេសភាពដែលសមប្រកបដែលបានទាក់ទាញភ្ញៀវទេសចរអោយចង់ដឹងនិង ស្គាល់គ្រប់ៗគ្នា។ដូច្នេះក្នុងនាមយើងជាកូនខ្មែរសូមរក្សានិងអភិរក្សអ្វីដែលជាសម្បត្តិរបស់ដូនតាអោយបានគង់វង្សតរៀងទៅ។  

ឆ្នេរតាបារាំងជាឆ្នេរមួយដែលគេល្បីថាមានខ្សាច់ស​ ស្អាត ភ្ញៀវទេសចរទៅដល់ទីនោះតែងតែសសើរមិនដាច់ពីមាត់ គ្រប់ៗគ្នា ដែលមានទីតាំងស្ថិតនៅ ភូមិមុងឫទ្ធី២ ឃុំកែវផុស ស្រុកស្ទឹងហាវ ខេត្តព្រះសីហនុ និងមានចម្ងាយប្រហែល ~53km ពីរង្វង់មូលតោ​ពីរ។ជាឆ្នេរដែលមានខ្យល់អាកាសត្រជាក់បរិសុទ្ធ មានខ្សាច់សក្បុសអមដោយទឹកសមុទ្រខៀវស្រងាត់ និងរាក់ល្អ ដែលអំណោយផលដល់ក្មេងៗ អាចលេងទឹកបានយ៉ាងសប្បាយផងដែរ។ ជាពិសេសក៏មានខ្ចុះមួយនៅលើទឹកសមុទ្រដែលអាចឱ្យភ្ញៀវទេសចរផ្តិតយករូបភាពដ៏ស្រស់ស្អាតរបស់ផ្ទៃសមុទ្រ។ អ្វីដែលបំភ្លេចមិនបាននោះគឺការ​ បោះជម្រំ និងញុំា អាហារដែលសម្បូរដោយគ្រឿងសមុទ្រចម្រុះ គ្រប់មុខ ​អមដោយបរិយាកាសបរិសុទ្ធនាជំនោរសមុទ្រដ៏សែនស្រស់ថ្លា  ម្យ៉ាងទៀតទេសភាពអំណោយផលចំពោះអ្នកដែលគាត់ចូលចិត្តបែបពិកនិច ពិសេសទៅទៀតនោះគយគន់សម្រស់ឆ្នេរពេលថ្ងៃរៀបលិចកាន់តែមានអារម្មណ៍ថា ធូរស្បើយចិត្តពីទុក្ខកង្វល់នាៗ។

រមណីយដ្ឋានទឹកធ្លាក់ច្រកល្អៀង មានទីតាំងស្ថិតនៅក្នុងភូមិបំណក់ ឃុំឈើតុំ ស្រុកក្រគរ ដែលមានចំងាយប្រមាណជា៧៣គីឡូម៉ែត្រ ពីទីរួមខេត្តពោធិ៍សាត់។ទឹកធ្លាក់ច្រកល្អៀង ជារមណីយដ្ឋានទេសចរណ៍បែបធម្មជាតិ មានសក្តានុពលទេសចរណ៍សំខាន់ៗដូចជារុក្ខជាតិដើមឈើធំៗ ខ្ពស់ៗ ទឹកធ្លាក់ថ្លាត្រជាក់ ផ្ទាំងថ្មធំៗ ជម្រកសត្វព្រៃ ស្វា ទោច….។ ភ្ញៀវទេសចរអាចសម្រាកលំហែ ងូតទឹក មើលទេសភាព​ ដើមឈើតូចៗដែលដុះនៅក្បែរព័ទ្ធជុំវិញ ។

ប្រាសាទនគរបាជ័យ​ បាន​ចែក​ចេញ​ជា ទី​១ ទន្លេ​អុំ ស្ថិត​នៅ​ខាងកើត​នៃ​ប្រាសាទ មាន​ទំហំ ៤០០ ម៉ែត្រ គុណ ៥០០ម៉ែត្រ ដែល​មាន​ចម្ងាយ​ប្រមាណ ៣០០​ម៉ែត្រ ពី​ប្រាសាទ​ ថែវ​ទី​មួយ មាន​ទំហំ ៤២១ម៉ែត្រ គុណ ៣៧១ម៉ែត្រ ដែល​រៀបចំ និង​កសាង​ឡើង​ពី​ថ្មបាយក្រៀម មាន​កម្ពស់ ២,៩ម៉ែត្រ និង​កម្រាស់ ២,៤ម៉ែត្រ​។ ទទឹង​ច្រកចូល​មាន​ប្រវែង ២​ម៉ែត្រ​។ ប៉ុន្តែ​បច្ចុប្បន្ន​ថែវ​នេះ បាក់បែក​អស់​មួយ​ចំនួន​ធំ​ហើយ​។ នៅ​ក្នុង​បរិវេណ​នៃ​ថែវ​ទី​មួយ​មាន តោ​ចំនួន ៦ ស្ថិត​នៅ​មាត់​ច្រកចូល​ទៅ​ថែវ​ទី​២ និង​មាន​នាគ ៨ ដែល​ស្ថិត​នៅ​ពីក្រោយ​តោ​ទាំង ៦ និង​មាន​អសុរា ២ ឈរ​នៅ​អម​ច្រកចូល​សងខាង​។ថែវ​ទី​ពីរ រួម​មាន រូបសំណាក់​តេ​ជោ​ដំ​ឌិន​ចំនួន ២ រូប អសុរា​ចំនួន ២ ដែល​មាន​កម្ពស់ ១,៦០ម៉ែត្រ និង​មាន​ស្រះ​ទឹក​ពីរ ដែល​មាន​ទំហំ ២០​ម៉ែត្រ គុណ ២០​ម៉ែត្រ ទឹកស្រះ​ទាំង​ពីរ​នេះ​មិន​រឹង​ទេ​នៅ​រដូវប្រាំង​ព្រមទាំង​មាន​ដើម​ឈូក​ដុះ​អម​។ថែវ​ទី​បី មាន​កំរាស​ក្រាស់​ជាង​ថែវ​ទី​១ និង​ទី​២ ហើយ​ថែវ​ទី​៣​នេះ​មាន​ច្រកចេញ ចូល នៅ​ចំ​កណ្តាល​ទាំង​៤​ទិស​។ នៅ​ក្នុង​ថែវ​ទី​៣ រួម​មាននៅ​ចំ​ពីមុខ​ច្រកចូល មាន​រូប​ព្រះ​នរាយណ៍​ដៃ​៨ និង​នៅ​ផ្នែក​ខាងឆ្វេង​ដៃ​មាន​រូប​ព្រះ​នរាយណ៍​ដៃ​៤​។ថែវ​ទី​បួន រៀបចំ​ដោយ​ថ្មបាយក្រៀម​ចំ​ដាច់​ៗ​ពី​គ្នា​ជា​បន្ទប់​ៗ ហើយ​មាន​ហើយ​លក្ខណៈ​ខុស​ប្លែក​ពី​ថែវ​ទី​១,២,៣ ព្រោះ​ថែវ​ទី​៤​នេះ មាន​ច្រកចូល​៨​ទិស​។ បើ​ចូល​នៅ​ដល់​កំពូល​កណ្តាល​នៃ​ប្រាសាទ​នេះ គេ​សង្កេត​ឃើញ​កំពូល​មួយ​ខ្ពស់​នៅ​ចំ​កណ្តាល​សង់​អំពី​ថ្មភក់ ដែល​មាន​ព្រះ​គង់​ព្រះ​ភ្នែក​បែរ​ចេញ​ទៅ​រក​ទិស​ទាំង​៤ គឺ​កើត លិច ជើង ត្បូង​។រមណីយដ្ឋាន​ប្រាសាទ​នគរ​បា​ជ័យ មាន​ទីតាំង​ធំ​ទូលាយ​ល្អ​មិន​ចាញ់​ប្រសាទ​នានា ដែល​មាននៅ​ក្នុង​ប្រទេស​កម្ពុជា​យើង​នេះ​ទេ​។ ទី​នេះ​ជាទី​ប្រជុំជន​មួយ​យ៉ាង​សំខាន់​សំរាប់​ប្រជាពលរដ្ឋ​ខេត្តកំពង់ចាម និង​ខេត្ត​ផ្សេង​ៗ​។ ប្រាសាទវត្តនគ​របា​ជ័យ​កសាង​នៅ​ពាក់កណ្តាល​សតវត្សរ៍​ទី​១១ ក្នុង​រជ្ជកាល​ស្តេច​ឧ​ភ័​យ្យ និង​សូរ្យ​វរ្ម័ន​ទី​២ ក្នុង​ឥទ្ធិពល​សេវៈ​និយម​។ប្រាសាទនគរបាជ័យ​ រមណីយដ្ឋាន​វប្បធម៌​ប្រវត្តិសាស្ត្រ មួយ​នេះ​ស្ថិត​នៅ​ចម្ងាយ ២២ គីឡូម៉ែត្រ ពី​ទីរួមខេត្តកំពង់ចាម តាម​បណ្តោយ​ផ្លូវជាតិ​លេខ​៧ ហើយពី​ភ្នំពេញ​ទៅ​រមណីយដ្ឋាន​នេះ​ មាន​ចម្ងាយ ១២២គីឡូម៉ែត្រ និង​បត់​ឆ្វេង​ដៃ ២០០​ម៉ែត្រ ទៀត​។